Pa bryd wnaethoch chi brofi eich larwm tân ddiwethaf?

Mae Gwasanaeth tân ac Achub Gogledd Cymru yn cynnig larwm mwg a gwasanaeth i'w osod AM DDIM. Bydd yr archwiliad diogelwch tân yn y cartref yma'n eich cadw'n ddiogel rhag tân.

Mae ystadegau'n dangos eich bod chi chwe gwaith yn fwy tebygol o farw mewn tân yn y cartref os nad oes gennych larwm mwg. Allwch chi fforddio cymryd y risg?

Mae'r ymweliad i gynnal archwiliad diogelwch tân yn y cartref AM DDIM yn cymryd tua 20 munud ac fe'i trefnir ar amser cyfleus i chi. Bydd staff hyfforddedig y gwasanaeth tân ac achub, sy'n cario cerdyn adnabod bob amser, yn:

  • Cyflenwi ac yn gosod larymau mwg i achub bywydau yn eich cartref neu yn sicrhau fod y larymau sydd gennych yn barod yn gweithio'n iawn
  • Darparu cyngor ynglyn â sut i gadw eich cartref yn ddiogel rhag tân
  • Eich helpu i baratoi cynllun dianc er mwyn i chi a'ch teulu allu gadael yr eiddo pe digwyddai tân
  • Darparu offer arbenigol ar gyfer pobl fyddar neu drwm eu clyw
  • Cyfnewid eich sosban sglodion hen ffasiwn am ffriwr saim dwfn wedi ei reoli gyda thermostat a rhoi isflanced wlanog i'w defnyddio yn lle blanced drydan

Mae'r uchod i gyd AM DDIM, a'r cyfan sydd angen ei wneud yw:

  • Llenwi'r ffurflen hon ar y we
  • Ein ffonio ni ar 0800 169 1234 unrhyw adeg o'r dydd neu'r nos i gofrestru
  • E-bostiwch ni ar dtc@nwales-fireservice.org.uk

Gallai gweithredu heddiw olygu'r gwahaniaeth rhwng byw a marw.

Dywedodd Richard Fairhead, Uwch Reolwr Diogelwch tân gyda Gwasanaeth tân ac Achub Gogledd Cymru: "Rydym wedi gweld y dinistr y gall tanau ei achosi ac rydym yn gwybod y gallai ychydig o gamau syml fod wedi atal nifer o drasiedïau. Peidiwch â gadael i drasiedi daro'ch teulu chi - rhwystrwch y tân rhag cychwyn yn y lle cyntaf."

Am ragor o wybodaeth a'r newyddion diweddaraf am ddiogelwch rhag tân, ewch i wefan Gwasanaeth tân ac Achub Gogledd Cymru.

Cais am Larwm Mwg Am Ddim

Enw Cyntaf:
Cyfenw:
Rhif Cyswllt:
Ebost:
Cyfeiriad:
Tref:
Cod Post:

Fideo nodwedd

Eglura Rhian Wyn Williams sut y gall Gwasanaeth tân ac Achub Gogledd Cymru helpu perchnogion tai

facebook

Dyma ddeuddeng cyngor i'w dilyn er mwyn bod yn ddiogel rhag tân yn y cartref:

  1. 1. Gosodwch larymau tân ar bob lefel yn eich ty. Cadwch nhw'n lân rhag llwch, a'u profi unwaith yr wythnos. Beth am brynu larwm 10 mlynedd, neu fel arall newidiwch y batris yn eich larwm bob blwyddyn.
  2. 2. Gwnewch gynllun dianc gweithredu ar gyfer tân fel bod pawb yn eich cartref yn gwybod sut i ddianc petai yna dân.
  3. 3. Cadwch y ffyrdd am allan yn glir fel y gall pobl ddianc os bydd tân. Gwnewch yn siwr fod pawb yn eich ty yn gallu dod o hyd i oriadau'r drysau a'r ffenestri yn hawdd.
  4. 4. Byddwch yn ofalus iawn yn y gegin - mae dros hanner y tanau mewn cartrefi yn digwydd yn y gegin. Peidiwch byth â gadael plant ifanc ar eu pennau eu hunain yn y gegin.
  5. 5. Byddwch yn ofalus iawn wrth goginio gydag olew poeth. Gallech ystyried brynu padell ffrio ddofn sy'n cael ei rheoli gan thermostat (os nad oes gennych un yn barod).
  6. 6. Peidiwch byth â gadael canhwyllau wedi eu cynnau mewn ystafelloedd gwag neu mewn ystafelloedd lle mae plant ar eu pennau eu hunain. Gwnewch yn siwr bod canhwyllau wedi eu gosod yn ddiogel mewn llestr addas ar arwyneb sydd ddim yn llosgi a'u bod yn bell oddi wrth unrhyw ddeunydd a allai losgi.
  1. 7. Gwnewch yn siwr fod sigarennau wedi eu diffodd yn iawn a bod y stympiau'n cael eu rhoi mewn cynhwysydd diogel, a pheidiwch byth ag ysmygu yn y gwely.
  2. 8. Dechreuwch fynd i'r arferiad o gau'r drysau bob nos. Os ydych eisiau gadael drws ystafell wely plentyn yn agored, caewch ddrysau'r ystafell fyw a'r gegin. Gall hyn achub eu bywydau os bydd tân.
  3. 9. Peidiwch â gorlwytho socedi trydan. Cofiwch, un plwg ar gyfer pob soced.
  4. 10. Cadwch y matsis a'r taniwr lle na all plant eu gweld na'u cyrraedd.
  5. 11. Byddwch yn ofalus iawn pan fyddwch wedi blino neu wedi bod yn yfed.
  6. 12. Peidiwch â rhoi'r teledu neu offer trydanol eraill i "gysgu" - fe allai hyn achosi tân. Dylech eu diffodd yn llwyr bob amser, a thynnu'r plwg allan pan nad ydynt yn cael eu defnyddio.